Transcription
1
Reçue à Montélimar, le 26 août 1573.
2
Monsieur de Gordes, depuis votre lettre du VIe, jay receu celle du Xe par le
3
controlleur Girard, avecques la responce qui vous a esté faicte par mes subiectz
4
faisant profession de la nouvelle pretendue religion en votre gouvernement,
5
laquelle jay bien et meurement considerée ; et encores que jeusse bien voullu scavoir
6
ce que vous aura rapporté le gentilhomme que me mandez avoir envoyé vers
7
eulx pour entendre plus clairement leur intention avant que vous mander la
8
mienne ; toutesfois, je desire tant soulager mes subiectz des fraiz de ceste
9
guerre, remectre ledit pays en repoz et donner occasion à ceulx de ladite nouvelle
10
pretendue religion destre assurez de leurs vyes et de lobservation de mon
11
dernier edict de paciffication que je nay voulu differer davantaige à vous faire
12
scavoir que je suis content que vous leur accordiez ce quil demandent par
13
leursdits articles, pourveu que ce soit tousiours à ceste condition quilz obeiront
14
à mondit eedict et ne contreviendront à icelluy, si vous congnoissez quilz
15
y procèdent de bonne volunté et que ilz ne recherchent cecy que pour la
16
seureté deulx et de leur famille ; et davantaige, quilz nen puissent
17
abuser et en mesadvenir. Partant, vous mectrez tout ce que dessus en
18
consideration et userez de ma volunté ainsi que verrez estre plus à propoz
19
pour le bien de mon service et de mectre fin au plustost à ceste guerre
20
et leur faire recepvoir mondit edict, qui est tout ce que je desire le plus
21
establir et faire. Quant à ce que leur a offert le sieur de Virieu denvoyer ung
22
dentre eulx vers moy pour me faire leur plainctes et doleances, cest chose
23
que je leur eusse voluntiers permise auparavant que jeusse faict mondict
24
edict de paciffication lequel comme il est pour tous les subiectz de
25
mon royaulme je entendz aussi quil serve et soyt suivy dun chascun, vous
26
asseurant que vous ne scauriez me faire service plus agreable que de le
27
bien faire establyr et garder en faisant chastier très rigoureusement quiconque
28
y contreviendra, priant Dieu quil vous ayt, monsieur de Gordes en sa sainte
29
et digne garde. Escript à Paris, le XXe jour daoust 1573.
30
Charles
31
De neufville s[ecretair]e
32
Monsieur de Gordes, si vous estes d’advis que lon
33
accorde et permette à ceulx de ladite religion pretendue
34
demeurer es villes quilz tiennent sans y
35
mettre garnison comme ientendz quil soit
36
faict pour les raisons susdites pourveu quilz
37
nyen) puissent abuser, il fault quilz donnent
38
des hostages comme lon font aux autres villes. Partant vous
39
regarderez dy pourveoir.